లలిత గేయం 01-08-2020 శీర్షిక : కృష్ణవేణి తరంగం

 లలిత గేయం 

01-08-2020

శీర్షిక : కృష్ణవేణి తరంగం 

సంఖ్య : 479

కృష్ణవేణీ కృష్ణవేణీ 

తెలుగింటి పూబోణి

జల ధారల జీవఖని 

రైతన్నల  రారాణి.       //2//

మరాఠలో మొదలాయె 

మహాదేవుని పర్వతాన 

పంచగంగ దూద్ గంగలు 

పదిలంగా కలుపుకుని   // కృష్ణ //

ప్రవహించి కదిలె కదా 

కర్ణాటక చేరుకోనుగ

జత ప్రభలను చేర్చుకుని 

ప్రవహించె తెలంగాణాకు // కృష్ణ // 

తల్లి కృష్ణమ్మ తరిలెకద

తంగడిలో తెలంగాణకు

తుంగభద్ర కలుపుకుని

జోగులాంబ దాటుకుని // కృష్ణ //

జూరాల సాగర్ శ్రీశైలం 

జన జీవన ఆధారం

తెలంగాణ రైతన్నలు 

మాగాణులు పండించ // కృష్ణ // 

నల్లమల ప్రవేశించె 

నాట్యమాడి నర్తించె

ప్రకృతే పరవశించె 

పాదాల కృష్ణమ్మతో..       . // కృష్ణ// 

పాలేరులు మున్నేరులు 

పలుకరించి సాగింది 

హంసలదీవి దాటుకుని

ముచ్చటగా మూడుపాయలై 

మురిపెంగ చేరేకదా సాగరాన // కృష్ణ// 

నగునూరి రాజన్న

కరినగరము.