చిత్ర కవిత...
తేది: 11-04-2021
శీర్షిక: కళ్యాణ రామా...
కవిత సంఖ్య : 12
ఇనవంశోత్తమ రఘుకుల తిలకా
కొసలాధీశా కారణ జన్మా
కౌసల్య దశరథల తనయా
కాముక మము బ్రోవుము శ్రీరామచంద్రా ...
ఖండాంతరాల వ్యాప్తి చెందె
ఘనకీర్తుల ఆనవాళ్లు దేశదేశాన
కరుణాలవాల కారుణ్యమూర్తి
జగదభిరామా శ్రీరామచంద్ర .....
తీరొక్క భాషలో తీర్చి దిద్దె
తీరయిన ఘన చరితను
సుగుణాలవాలా సూర్యవంశా
కళ్యాణ రామా శ్రీరామచంద్రా !
రాజు ప్రజల రమ్యమైన బంధానికి
యుగ యగాలుగా ప్రాభవమై
ఉదాహరించుకునే ఉదారవాదా
రఘుకుల తిలకా శ్రీరామచంద్రా ...
ప్రకృతిలో పరవశించే పచ్చని రామచిలుకే
ఏక పత్నీ వ్రతానికి ఎరుకచెప్పే సంకేతమాయె ...
గురువానతితో గురుతరమై
పశుపతి విల్లును పటుతరముగ
విరిచి జనకుని కూతురు
జానకీదేవిని వివాహమాడిన
కళ్యాణ రామా కమనీయ చంద్రా ....
నగునూరి రాజన్న
కరినగరము.
No comments:
Post a Comment