పుస్తక నేస్తం
తేది: 23-04-2021
శీర్షిక: మంచి నేస్తం ...
కవిత సంఖ్య: 647
అక్షరాల తోవకు లక్షణంగ తోడై నిలిచి
అక్షయమై కాంతులు వెదజల్లు..
మస్తకం పొందికగా ఎదగాలంటే
కాముక మనమంతా చదవాల్సిందే ...
చతుర విపుల కాలంలోనే
చక్కంగ దోస్తీ కుదురుకునే..
దూరదర్శనులు దూరవాణులు
లేనిరోజుల్లో అతి దగ్గర బంధువులు....
సాగరాన పరుగెత్తే మీనంలా
వినీలాకాశంలో ఎగిరెల్లే విహంగంలా
విలువలు తొడుక్కున్న ప్రతిరూపంలా
సాన బెట్టుకోవడమే సమ్మతమౌ బుర్రకు ...
మల్లె తీగకు పందిరోలే
మనిషికి ఎదుగుదలకు
తోడుగ నిలిచి ....
ఐదేళ్ళను నోటికందిస్తుంది ....
శిలను శిల్పంగా మార్చే శిల్పిలా
కర్రను బొమ్మగా మలిచే వడ్రంగిలా
దూదిని దుపట్టగా నేసే నేతన్నగా
అజ్ఞానుల తీర్చిదిద్దే గురువుగ మారొచ్చు...
హృదయ కమలాలను విప్పార్పి
మనసు కుసుమాలను స్పర్శించి
గుండె గుసగుసలను నిక్షిప్త పరిచే
నిండైన మనసున్న మంచి నేస్తం ...
No comments:
Post a Comment