ఎద కోయిల
22-04-2021
శీర్షిక: విషమ పరీక్షాయె.....
సంఖ్య: 113.
సాఫీగా సాగిపోతున్న సెలయేటి
పయనం లాంటి జీవనయానంలో
తుఫాను సనామీల కుదుపు రూపం
కరోనా విష పురుగు పంజా విసిరె ....
శుచి శుభ్రత అనుభవాల అవపోశనలన్నీ
కొట్టి పారేసి తిట్టి పారబోసిన జనాలే
అక్కున చేర్చుకుని పాటిస్తున్నారు
అసువుల మీద ఆరాటపడి.....
బాధలలో మునిగి తేలుతున్న
బంధుమిత్రుల బలగాలను
పలకరించి ఊరడించ సైతం
మనస్కరించని మతలబులాయె...
శార్వరీ చీకట్లను చీల్చుకుని
ప్లవ ఉగాది ఉషస్సులను
నింపుతుందని ఆశపడిన
జన సామాన్యపు కోయిలలకు ...
గాలిలో వీర విహారమంటూ
విశ్వ వేదికలలో వీరంగంతో ...
మావి చిగుళ్ళు మాటేమో ...
ఎదకొయిలల పాటేమో...ఏమో..
మనిషి విజ్ఞానానికి విషమ పరీక్షాయె....
నగునూరి రాజన్న
కరినగరము.
No comments:
Post a Comment