కంటి భాష
తేది 12-04-2021
శీర్షిక : అవపోషణలే మనందరికి...
సంఖ్య: 008
మనసులోని భావాలను
మధురమైన విరిజల్లులా
ఎదుటివారిపై కురిపించే
కుదురైన ఆయుధమే భాష...
భాషకు బహు అక్షరాలు..
పలు పదాలు..వాసిగల
వాక్యాలు.. పుష్కలమైన
పుస్తకాలు... ఎంతో అవసరం....
అవేవి లేకుండానే ...
అలవోకగా అల్లుకునేదే
ఆత్మీయంగా చుట్టుకునేదే
ప్రాణంగా పట్టుకునేదే...
కోపంగా కొట్టుకునేదే ..
బాధతో బందీ చేసేదె.... కంటి భాష
ప్రేమ పెన్నిధిల పెద్దరికమైనా
కోప తాపాల కోలాటమైనా
ఆశ నిరాశల ఆనవాళ్ళైనా
సుఖ దుఃఖాల సుడిగుండాలైనా
కంటి భాషన మనం పండించవచ్చు...
కడుపులో పెట్టుకుని కాపాడే
తల్లినుండే మొదలయినా
పెరిగి పెద్దయిన కొలది
ఇరుగు పొరుగుల ఇగురాలతో
కంటి భాషల కవాతులన్నీ
అవపోషణలే మనందరికి ....
నగునూరి రాజన్న
కరినగరము.
No comments:
Post a Comment