డబ్బుకు లోకం
తేది: 22-04-2021
శీర్షిక :: అప్పుడప్పుడు.....
కవిత సంఖ్య: 13
పుణ్య చరితల పుట్టుకలో
అమ్మా నాన్నల ఆశీర్వాదబలములో
సద్గురు దేవుల సాంగత్యములో
ఆచార సంప్రదాయాల అవగాహనములో...
వేదాల ఉపనిషత్తుల సారములో
పురాణేతిహాసాల పుణ్యఫలములో
శాస్త్ర కావ్యాల రసమయములో
విజ్ఞాన గ్రంథాల వినయములో ...
భారత రామాయణాల భాగ్యఫలములో
భాగవత భగవద్గీత ఉద్భోధనలో .....
అధిక మందికి ఆత్మీయతలే ఆయుధం ...
అనుబంధాలే ఊపిరులైనా ....
అప్పుడప్పుడు అక్కడక్కడ తారసపడతారు..
శూన్య హస్తాల శూరులుగానే
జన్మలెత్తిన ఉద్ధారకులైనా
కలిమాయల క్రీనీడలలో కబంధులై
కదిలిన వారు మారకుంటారా....
విశ్వమంతా విషపురుగుల కోరలలో
విలవిల లాడుతుంటే ....
కన్యకుమారి నుండి కాశ్మీరందాకా
వలస జనం వడి అడుగులతో
వణికిపోతుంటే ....
ఆసేతు హిమాచలం.. రాజకీయులు...
రంగురాజులంతా.. నిమ్మకు నీరెత్తలేదా....
డబ్బుకు లోకం దాసోహమైతేనే కదా....
ఒక్కరు మినహా....వారే మన సోనూ సూద్ ...
నగునూరి రాజన్న
కరినగరము.
No comments:
Post a Comment