మాపటేల పూసే మల్లియ
తేది:06-04-2021
కవిత సంఖ్య: 101
ప్రభాత దినకరుడి పట్టము నుండి
హరితములద్దుకుని మురిపముగా
ముగ్దమనోహరమైన మొగ్గలను
సవరించుకుని సింగారించుకుంటివే ....
గ్రీష్మ తాపాలను దీటుగా ఎదుర్కుని
పరిమళాల బాష్పవాయువులను
కరువుదీరా వెదజల్లి కనిపెట్టుకుని
సాయం సంధ్యలలో అలరారెదవు ....
దినమంతా పని సతమతాన అలసిన
ఆడపడుచులకు అస్తరు పన్నీరుల
పరిమళ సుగంధాలై పల్లవింపజేసి
అలకలు తీర్చె ఆత్మీయ నేస్తానివి....
మాపటేల పూసే ఓ మల్లియా
వెండి వెన్నెలలను మరిపిస్తూ
వేయి రేట్ల చల్లదనాలను పెంచి
పంచే చల్లని హిమపాతానివి....
పేరేదయినా రూపమేదయినా
మల్లియంటేనే మనసులను కలపే
ఆత్మీయ అనురాగాల సిగ సుందరివి
భార్యాభర్తల బంధాల చిరునామావి ....
నగునూరి రాజన్న
కరినగరము.
No comments:
Post a Comment