అపార్థం
తేది: 25-04-2021
శీర్షిక: అపోహలు...
కవిత సంఖ్య : 115
బంధు బలగాల మిత్రుల
బచ్చలి తీగలలో బలమైనది
కలహాలకదియె వేదికయ్యి
కాలు దువ్వే మార్గమేయును ...
అనుమాన బీజాల అంకురాన
సంజాయిషీ సమాధానాల చెప్పనీయక...
కోప తాపాల కొలనులోన మునిగి
చెప్పినా వినక...చెవికెక్కించుకోక...
ఆప్త మిత్రునోలె అంటుక పోవును....
సమయానుకూల సమాచార లోపాలో
మాటలు కరువైన మౌనరాగాలో
ఊహల పల్లకిలో ఊరేగి పోయి...
తోచిన కిచిడీలు వండుకోవడమే...
తొంబదింటికి తోడయ్యే ముఖ్య మార్గం....
కాని వారి మాటలే కడు ప్రీతికరమై
బయటి వారి ముచ్చట్లు బహు గొప్పగా నప్పి...
స్వంత ఆలోచనలకు కూడ స్వస్తి పలికి ...
గడ్డెద్దు చేలో గుట్టుగా మేసినట్టు...
రంగుల ప్రపంచం చందంగ రాచబాటలేయు....
ఆరోగ్య పచ్చదనాలు వాడిపోయి
మనశ్శాంతి కుసుమ పరిమళాలు
మసకబారి బంధాల పోగులు
పలుచబడి బాంధవ్యాలు కారిపోవు ....
సహన సంయననాలతో
సహవాసములు చేస్తూ
విజ్ఞాన విచక్షణలను
ఆయుధాలుగా మలచుకుంటే
అధిగమించవచ్చు అపోహలన్ని
గాలి మబ్బులై వీడిపోయి .....
నగునూరి రాజన్న
కరినగరము....
No comments:
Post a Comment