ఆధునిక కాలంలో మానవ సంబంధాలు
తేది: 30-08-2023శీర్షిక : కొలమానమే ...
వేడుకలకు పిలవడానికి
వేల మంది జాబితా తయారు ....
అందరు ఆహ్వానితులే
కానీ ఎవరు మన వారెవరో
తెలుసుకునే తీరిక లేదు ...
మా ఇంటికొస్తే ఏమి తెస్తావు
మీ ఇంటికొస్తే ఏమిస్తావు ...
చందమే ... మొహమాట పడకుండా
నిజం నిక్కచ్చిగా మాట్లాడాలంటే....
తోబుట్టువులే అక్కడక్కడా
తోడేళ్ళలా సంచరిస్తూ
వార్తల్లో పతాక శీర్షికలైతే
వల్లె వేసుకోవడానికింకేముంది ....
నాగరికత పేరుతో నడక సాగించి
పారిశ్రామికతతో పరుగు లంఘించి
సాంకేతికత పేరుచెప్పి తుర్రుమం
ప్రాణవాయువులకే ఆయాసమొస్తుంటే
శ్వాస ఆడేదెక్కడ...మాట కలిసేదెక్కడ ...
ఆత్మీయతలు కొలమానమై
అనుబంధాలు లెక్కలేసుకుంటుంటే ...
అనురాగాలు
కనుమరుగవుతుంటే ...
స్వంత పిల్లలే సవాలక్ష ప్రశ్నలతో
విసిగిస్తూ ... దూరం పెట్టె ప్రయత్నం
చేస్తుంటే ....ఎక్కడని వెదికేది ... ?
నగునూరి రాజన్న
No comments:
Post a Comment