సంస్కరణ వస్త్రాలు
తేది 29-08-2023
శీర్షిక :
సహస్రాధికం.
జీవరాశిలో మిన్నగా చేసింది
భావరాశిలో మానవాళి ప్రదర్శననే ...
మంచి చెడుల మాలోకంలో
ఎంచి నడుచుకునే గుణము ...
దట్టమైన అడవులల్ల
గుట్ట బొరియలనుండి బైలెల్లి
నిట్టాడు గుడిసెలలోకి ఆపైన
గూన కప్పుడిండ్లలోకి మారిపోయి
బలవంతంగా బంగళాల వైపెళ్తున్నది ...
ఆకులలములు చుట్టుకున్న ఆకారాలు
నిండైన వస్త్రాలతో నిగారించుకుని కులికినా…
పాశ్చాత్య పోకడలతో పలుచనై పోయి
చిరుగులే ఫ్యాషనంటూ చిందేస్తున్నది లోకం …
సంజ్ఞలనుండి సంస్కరించుకుని
భాషలెన్నో నేర్చుకుని భావాలు మార్చుకుని
బతుకు తీరులో భవిష్యత్తును జొప్పిస్తూ
నూలుబట్టల నుడికారం తీర్చి దిద్దుకున్నది...
పారిశ్రామిక పరుగులైనా
సాంకేతికత సొబగులైనా
గుర్తించాల్సింది ఒక్కటే
మన నడకెపుడు
ఆదిశిఖరం
వైపుండాలి... కానీ అధోగతి
పాలయ్యే
విధంగా ఉండకూడదు ....
No comments:
Post a Comment