ఆప్యాయత
తేది : 01-09-2023
శీర్షిక : ఆత్మీయత ... అనురాగం ....
భయంతో కంటే భక్తితో ప్రేమతో
మాటలు మూట కడితే చక్కటి ఫలితమే ...
అంతరంగం ప్రశాంతమైతే
మాటలన్నీ అమృతమయమే ....
కోపంతో కన్నా ఆదరణతో మాట
హృదయానికి హతుకును ....
తాను చేయలేకపోయినా తపన పడి
పనయ్యే మార్గం చూపెడతారు ....
ఆర్ద్రతతో పురమాయిస్తే
అలవికాని పనులు కూడా
ఎదురు చూపు అక్కర లేకుండా
అవలీలగా అయిపోతుంటాయి ...
పెంపుడు జంతువులైననేమి
ప్రేమ ముందు మోకరిల్లుతూ
కాళ్ళ చుట్టూరా కదలాడుతూ
గార్వాలు పోయి గానమెత్తుకుంటాయి ...
ఆత్మీయతలో మునిగితే
అంతే తెలియదు సముద్రంలా ...
అనురాగంలో ఓలలాడితే
ఆదమరిచినా అభయహస్తమే ....
నగునూరి రాజన్న
కరినగరము
No comments:
Post a Comment