అంశం : దేశభక్తి గేయము.
తేది : 15 -08-2022
శీర్షిక :
శీర్షిక : పాడుదమా మనమంతా
పాడుదమా మనమంతా
పండగని గొంతెత్తి ...
అణువణువు పులకరించ
తనువంతా మయూరమై
అంబరాల తేలేటి
తిరంగా సంబరం …
మువ్వన్నెల పతాకం
నింగినంటి శోభించగ
ప్రజలందరి దరహాసం
పగడములై మెరియంగా ...
పాడుదమా మనమంతా
పండగని గొంతెత్తి ...
పింగళి వెంకన్న మంత్రం
ఫిరంగిలా నిలిచిన యంత్రం
కాషాయం పౌరుషమై
కలబడు మన సైనికుడు …
పాలతెలుపు శాంతికి
ప్రపంచ కపోత చిహ్నమై
ఆకుపచ్చ నిలిచింది
హాలికునికి ఆయుధమై ....
పాడుదమా మనమంతా
పండగని గొంతెత్తి ...
అశోకుని ధర్మ చక్రం
ఆక్రమించె మధ్యలోన
సంఘం శరణం గచ్చామంటుూ
సమ సమాజ సూత్రంగా .....
ప్రజ్వరిల్లిన ప్రజాపథం
మదిమదిలో నింపుదాం
మహనీయుల పోరాటం
ఎద ఎదనా ఒంపుదాం
పాడుదమా మనమంతా
పండగని గొంతెత్తి ...
బోసినవ్వుల పాపాయిల
ముదమారగ నవ్విస్తూ
కల్మషాల జాడలను
దరిచేరనీయకుండా……
మాతృభూమి ఆచారం
మననం చేసుకుంటూ
కర్మభూమి సంస్కృతిని
యువతకు సందేశముగా .....
పాడుదమా మనమంతా
పండగని గొంతెత్తి ...
నిశాచరుల తరిమేసే
వెలుగుపూలు పూయిస్తూ
శౌర్యాలను బోధించే
వీరగాథలు వినిపిస్తూ ...
నరనరాన దేశభక్తి
నగారా మోగించగ
ప్రతి వారి గుండెనిండ
పండగై నిలువుగా.....
పాడుదమా మనమంతా
పండగని గొంతెత్తి ...
పసిడిపంటల హాలికులకు
పబ్బతులను తెలుపుతూ
తనువులిచ్చే సైనికులకు
ప్రణమిల్లుతు నిలవమని
వందే మాతరమంటూ
వరస కలుపె గొంతులు
జన గణ మని పాడెనే
జగతిన భారతీయులు.
పాడుదమా మనమంతా
పండగని గొంతెత్తి ...
త్యాగధనుల సౌశీల్యత
తలచి నడుచుకుంటూనే
భరతమాత ఘనకీర్తిని
విశ్వమంతా చాటుదాం ...
సరిహద్దున జవానుకు
పురివేయును ప్రాణవాయువై
పొరుగు ధూర్తుల శిక్షించి
మనహద్దులు రక్షించ....
పాడుదమా మనమంతా
పండగని గొంతెత్తి ...
No comments:
Post a Comment