అందీ అందని అందలం
తేది 21-09-2023
శీర్షిక : అధికారపు మత్తు
సహస్రాధికం…
అన్యాయాలు కలగలిసి అల్లుకుని
స్వార్థాల గూడుపుటానికి తెరదీస్తే..
మంచి చెడుల మతలబులు ఎంచి
చూడకుండానే చెల్లుచీటీలై పోతాయి…
తాగి తందనాలాడేవోడు మత్తులో
తనను తాను కుళ్ళబొడుచుకుంటే..
అధికారపు మత్తు మాత్రం.. ఎదుటివాడి
అంతం చూసైనా సరే బొక్కసం
దక్కించుకోవాలని తహ తహ లాడుతుంది ...
తళతళ లాడుతూ మెరిసే పచ్చనోటు
పక్కనపడేసి…ఒక్కటంటే ఒక్క కానీకి
కూడా కొరగాని…ఊరు పేరు లేనితనానికి
ఉన్న ఫలంగా పట్టం కట్టిన
బ్రహ్మాండమే…
సమైఖ్యాంధ్రప్రదేశ్ లో కూడా సంచారంచేసిన
వంచన వార్తనే…అవునో కాదో కాని అట్టుడికి
పోయి చిట్టచివరికి పట్టం దాకా వచ్చి...పట్టు
తప్పి కన్ను లొట్టబోయినంతపనైంది…
నవ రత్న ఖచిత సింహాసనం ఎక్కడానికి
నాలుగంటే నాలుగు అడుగుల దూరమే ...
అంతలోనే పిడుగులాంటి వార్తలు ఏవో
మడుగులో తొక్కి నారదీసిన సందర్భాలు…
ఆవులావులు కొట్లాడుతుంటే
లేగదూడలు నలిగిపోయినట్టు
అప్పుడప్పుడు అప్రమత్తం లేకపోతే
పాత్రికేయులకు ప్రజలకు తప్పని తిప్పలే…
No comments:
Post a Comment