వరలక్ష్మి వ్రతం
తేది : 25-08-2023
శీర్షిక : సర్వ సంపదల అధిపతి ....
ఆషాడపట్టిలో తొలకరి
చిలకగానే పులకించు ధరణీమాత ...
శ్రవణంలో శశి చేరగనే
శ్రావణమై వర్దిల్లె కాలచక్రంలో ....
పచ్చకోక చుట్టుకున్న పడతిలా
అవని ముత్తైదువ అలంకరించుకోగానే ...
ఆనందాలొకవైపు మునకలేయిస్తుండగానే
అనారోగ్యాల ముప్పు పొంచి అవకాశం
కొరకు అర్రుల రెక్కలు చాపి మాటేస్తుంది ....
ఆరోగ్యం, ఆపదలో ధైర్యం , కష్టనష్టాలలో
ఓర్పు, ఆవేశంలో అణకువ , వైఫల్యాలలో
గుండె నిబ్బరం , అపజయాలలో ప్రత్యామ్నాయం ,
విజయాలలో సంయమనం అన్నీ సంపదలే
ఆ తల్లి లక్ష్మీదేవికి ప్రతి రూపాలే అష్టలక్ష్ములుగా ....
మానవాళి నిత్య సుఖ శాంతులకై
చారుమతీదేవి దూతగా కైలాసవాసుడు
కామేశ్వరి మాతకు బోధించిన కథ ....
ఆరోగ్య రక్షణలకైనా అపురూప సంపదలకైనా
ఆనవాయితీగా కలియుగానికి కానుకగా అందించిన
అనన్యమైన వరలక్ష్మీదేవి వ్రతం .....
ఇల్లాలే ఇలవేల్పుగా శుచి శుభ్రతలతో
ఇంటిళ్లిపాదిని కనిపెట్టుకుని
ఇంటికి దీపం ఇల్లాలుగా పూజలు చేసి .
కంటికి రెప్పై కాచుకును...
కుటుంబ హారానికి
కువలాయాక్షియే సూత్రం ....
కుడి ఎడమైనా కుంటుపడు
ఇంటిల్లిపాది విచిత్రం ....
నగునూరి రాజన్న
No comments:
Post a Comment