వేప పుల్ల-పళ్ళపొడి-టూత్పేస్టు
తేది 17-09-23
శీర్షిక - భూమి గుండ్రం.
వేప వేయివిధాలా ఆరోగ్య హితం
ఉత్తరేణి పుల్లయితే ఉత్క్రుష్టమే
మర్రిపుల్లయితే మహామణిమయమే
దంతదావనంలో దండిదొరలు ...
ఆ తదుపరి గోమయమే బొగ్గు...
పళ్ళపొడిగా రూపాంతరమై
పలువిధాలుగా మారిపోయి
వాణిజ్యములో వినుతికెక్కింది ...
అలా ఆహ్వానించామో లేదో పేస్టులను
ఇలా పలకరించాయి పంటి నొప్పులు
పిప్పళ్ళతో రసం తీసి పిండేస్తూ
డబ్బు సంచులతో తూకమేసుకుంటున్నాయి.
మన వాస్తు బోధన గమనించారో లేదో
నైఋుతి కప్పి ఉంచే ఆచారం…
పడమటింటి గాలి మహా చేటని
అనుభవాల బోధనలే.. అయినా
తరం మారగానే తిరగలిలా ...
కట్టూబొట్టూ కనికట్టుగా మారిపోయి
ఆరోగ్యాలన్నీ సంతలో సరుకులైపోయి
భూమి గుండ్రంలా…మీ పేస్టులో ఉప్పుందా… ?
లవంగముందా? అంటూ ఉపశమనాల
ప్రకటనలతో ఊదరగొడుతున్నారు.
నగునూరి రాజన్న
No comments:
Post a Comment