చిత్ర కవిత
22-09-23
శీర్షిక : సంతులనమే…
తూరుపుకొండల తూణీరంలో
అందమైన పొద్దుపొడుపు...
కెంజాయ వర్ణములో కమనీయయమే
అంతులేని వింతల పాలపుంత ...
ఏమెరుగనమ్మ ఏడు తిని మూడు
మగనికిచ్చినట్టు...సంధ్య వేళలో సవాలులా
నంగనాచి కొంగలు ఒంటి కాలుపై
జపం చేస్తుంటే ఎంత చూడముచ్చటో…
తాడెక్కేవాడికి తలదన్నేవాడున్నట్టు
చల్లగా తరుముకొస్తున్న ముసలంలా … మాటేసిన మొసలి చూపుల వేటలు
కాటేసే పనిలో నిమగ్నమైనట్టున్నది….
విరించి వీధిలో గుంభనమైన కబురులా
ప్రకృతిలో ప్రతీది పద్ధతైన
వలయమే...
సమతుల్యతల
త్రాసేదో వేలాడదీసినట్టు
సదా పర్యవేక్షణ పరిశీలనలో సంతులనమే…
నగునూరి రాజన్న.
No comments:
Post a Comment