గోకులాష్టమి
07-09-2023
శీర్షిక : మురళీ మోహనుడు.
ముకుంద మాధవ
మురళీమోహనా
గరుడ గమన గావుమయా
ముజ్జగములనేలు మురారి…
జననం కారాగారమైనా
జనియించె ధర్మసంస్థాపనార్థమై …
పావనమైన పరంధాముడే
పయనమాయె మానవుడిగ …
దేవకి గర్భమున జనియించినా
యశోదమ్మ మురిపములు తీర్చినాడు..
వరమున వసుదేవునింటి తనయుడై
నిజమున నందునింట పెరిగినాడే ...
ఆటపాటల్లో శకటాసురుని వధించె…
అన్న జూడ మన్ను తినే వంకతో
అమ్మకేమో బ్రహ్మాండము జూపె…
అల్లరి చిల్లరి కన్నయ్యతడు
గొల్లభామల మనసు దోచాడు…
లెక్కలేని కష్టాలను లెక్కచేయలేదతడు
మహిమలెన్నొ చూపి మట్టుబెట్టే రక్కసుల…
గోప బాలుడై ప్రేమలను పంచి
వేణుగానాలతో కట్టపడేసేవాడు…
ఇంద్రుని గర్వ భంగమునకు
ఇగురంగా గోవర్ధనమెత్తినాడు…
పిల్లలతో పితలాటకాలు చేస్తూనే
అల్లరివాడైనా ఆలమందలు కాసాడు…
పెద్దలకు దైవముగా అండ నిలిచి
విశ్వానికి మార్గమయ్యే గీత బోధన గావించే …
కష్టాలను ఇష్టంగా అధిగమిస్తూనే
కారణ జన్మం తనదని బోధించాడు…
ఫలితానికి పడిగాపులు పడకుండా
కర్మలను నిర్మలంగా చేయమనే …
నగునూరి రాజన్న
No comments:
Post a Comment