పేరడి గేయం
తేది : 09-09-2023
శీర్షిక : నన్ను వదిలి నీవు పోలేవులే…
( దాశరథి గారి పాటకు… )
మమ్ము వదిలి మీరు బ్రతుకలేరులే
అదీ సత్యములే
ఓటరులే లేకుండా నాయకులకు
విలువలేదులే…..
ప్రజలే లేని పదవులు విలువలేనివే
ఇదీ సత్యములే…
మేము లేక మీరు అసలు బ్రతుకలేరులే
లేరులే…
మీ మనసులు చిక్కకునే రొక్కమనే
రొచ్చులో…
మీ యశస్సు కదియే ముఖ్యమని మీరు
తలువగా….
అలవికాని ప్రజల కలలు తీరం చేరకనే
సంద్రపు అలలలా అలసి పోవుచుండెనే…
అగ్గి విడిచి అప్పడప్పుడు పొగల తలలు
దించుకున్నా…
లక్కులతో దులిపేసుకుని అక్కడక్కడ నిక్కచ్చిగనే
మాట్లాడుతున్నాయి…
నిగ్గుదేల్చి గుర్తులపై వాతపెట్టే ముహూర్తం
దగ్గరపడినదని…
మనసులోన ఏదోమూల దడ పుట్టిస్తున్నది…
అధికారం కొరకు చాపు అర్రులన్నీ మాకు
తెలియవా…
వివిధమయిన కారణాల విడదీయడమేగా
మీకు చేతనౌను…
స్వచ్చమైన సేవాభావంతో కదలవెందుకు
కదలవెందుకు …
నిశ్చలమైన నీతిని మనసారా పాటించవెందుకు
పాటించవెందుకు…
మమ్ము వదిలి మీరు బ్రతుకలేరులే
అదీ సత్యములే
ఓటరులే లేకుండా నాయకులకు
విలువలేదులే…..
No comments:
Post a Comment