అరసం సమూహం
సంద్రపు లోతులన్నీ
సరదా నింపు వింతలు…
ఆకాశపు ఎత్తులు
అహరహరం గమ్మత్తులు…
గుండె మీద చేయేసుకుని
గురి కుదుర్చి నేర్చుకో…
అధ్యయించి పొందాలి
అనుభూతుల అనందం…
పాలలో నెయ్యుందని
పసిగట్టిన మానవ మేధం…
పరిశ్రమించి పట్టెకదా
పట్టుబట్టి విజయతీరం…
అల్లంతదూరాన ఆగి నీవు
ఒళ్ళంతా మైలేనని నమ్ముకోకు…
సారమంతా సంగ్రహించు
సాంతంగా అవపోషనలతో…
వారు వీరు నుడివారని
వారసత్వం మోయబోకు…
పుణికి పుచ్చుకోవయ్యా నువు
పుకార్లను నమ్మకుండా…
అన్నింటా అలుముకున్న
స్వార్థమూతి పిందెల్లా..
అందులోనా దూరినారు
కొంతమంది పొందుగాను…
వాగు వంక సెలయేళ్ళు
వాలుగ చేరే సంద్రంలా..
సంప్రదాయ మార్గంకూడా
సన్నుతించె మానవతను….
No comments:
Post a Comment