ఇంజనీరు.
ఉన్నది లేనట్టుగా ... చూపి
లేనిది ఉన్నట్టుగా ... దాచి
భ్రమల బజారులో ఊరేగించి
వింత సంతల వినూతన కట్టడంతో
విశ్వ విఖ్యాతమైన ద్వాపారయుగపు
మయుడైనా ...
వింత వింత కట్టడాలకు
వినూతన రీతులకు మాధ్యమమై
విశ్వమంతా విశిష్టమై వినుతికెక్కిన
విశ్వకర్మయినా ఇంజినీరులే ...
నాగరికతల నడకలకు
పారిశ్రామికత పరుగులు నేర్పినా
సాకేతికతల సొబగులద్దినా
ఉదయ ఘడియలనుండి
నిదుర ఘడియలదాకా
అడుగడుగునా మనం
అందలమెక్కి
ఊరేగుతున్న
పల్లకీలన్నీ
ఆ విభాగంలోని అంగములే...
నీటి మూటలను నిలువ
చేసుకుంటూనే వరద తాకిడికి
స్వస్తి పలుకులు చెబుతూ
పూణేలో మైసూరులో హైద్రాబాదులో
చక్కని పరిష్కార మార్గములు తెలిపిన
విశ్వవిఖ్యాత మోక్షగుండం విశ్వేశ్వరయ్య గారు…
ఈ యుగపు అజరామర కీర్తి శిఖరం…
నగునూరి రాజన్న
కరినగరము.
No comments:
Post a Comment