మట్టి బాట
తేది : 22-08-2023
శీర్షిక : అమ్మలా ....ఆదరిస్తుంది
నమ్మినా నమ్మకపోయినా
మనమంతా మట్టిబొమ్మలమే ...
మట్టిని కాదని మనలేము
మట్టి లేకుండా బ్రతకలేము ....
తల్లిగర్భం తదనంతరం
తప్పటడుగుల కుప్పకూలిననుండి
అమ్మలా అక్కున చేర్చుకుని
ఓదార్చుతూనే ఉన్నది ....
అల్లంత దూరాన ఆకాశాన
కనిపించే ఇంద్రధనసులోని
సప్త వర్ణాలలా పూలల్లో పండ్లలో
ఇమిడ్చి వండి వార్చుతుంది ....
రంగు రుచి వాసనలతో సమ్మేళనమైన
త్రీ రోసెస్ లా.... నిలిచి జిహ్వ
చాపల్యాలకు సంతృప్తి మంత్రమై
రుచులనందిస్తుంది దివ్య ఔషధంలా ....
పోషణలకు శోషణములకు
అమ్మలా ఆదరించే
అమృతతుల్యమే....
నాగరికత నడకలలో
నగారా మోగించిన దగ్గరనుండి
నడమంత్రపు సిరిలా
వాతలెన్ని పెట్టినా దీవిస్తున్నది ....
No comments:
Post a Comment