తనివి తీరని వింతలు
తేది : 01-09-2023
శీర్షిక : అనంతమైన విశ్వం
సహస్రాధికం
జిహ్వకోరుచి పుర్రెకోగుణం
మదనంతోనే మహిమాన్వితములు
సృష్టించగల మానవ మేధస్సే గొప్ప వింత
అందరికి ఉన్నప్పటికీ ఎందుకో దేనిలో
సమమెప్పటికీ కానే కాదు ..
తోడుకునోళ్లకు తోడుకున్నంత ....
పుట్టి బుద్దెరిగిన నాటినుండి
పులకరిస్తూనే ఉన్నది ఉల్లము ...
ప్రకృతిలోని ప్రతి వింతను
పదే పదే చూసినా తనివి తీరనంతగా ....
అవనిమాత తొలకరిలో
అలంకరించుకునే పచ్చకోక
పరుచుకునే పుడమి అందాలు పరికిస్తే ....
పోలికలేని నిత్యనూతనమే....
చెంగున దూకే చెవులపిల్లి బోలు
జలపాతాల హొయలులను …
సప్తవర్ణాల పట్టువస్త్రంలా
ఉభయ సంధ్యలలో చుట్టుకునే
నింగి మిలమిలల అందాలను వీక్షిస్తూంటే ....
ఆకాశమంటే చల్లని హిమాలయాలు
అట్టడుగును చూపించే లోయల
అందాలు.... ఆ కొండల్లో వెలిసిన
ఆదిదేవుని దర్శనాలు .... అంతు
తెలియని వింతలు నిండిన ఖగోళాలు...
ఒకటేమిటి మన చుట్టూ అల్లుకుని
ఉన్న అనంత విశ్వరహస్యాలు ....
అంతే దొరకని అవని పుట్టుక
పొరుగున ఉన్న పాలపుంతలు ....
నగునూరి రాజన్న
No comments:
Post a Comment