ఆశయాల పరవళ్లు
తేది : 15-09-23
శీర్షిక : కనుదోయి వర్షం.
సహస్రాధికం.
ఆశలే ఆశయాలకు మూలం
ఆశయాలు మానవాళి ఆయువుపట్టు
ఆశయమే లేకుంటే ఉనికి ప్రశ్నార్థకం
ఆశలు ఆశయాలు వ్యక్తిగతమైనా
సంఘహితమైనా… విశ్వహితమైనా…
సత్య ధర్మ న్యాయ నిబద్దమైతే
పరిస్తితులే పలకరించి ఎదురొస్తాయి ...
తధాస్తు దేవతలు తోడుంటాయి..
నలుగురు మెచ్చే న్యాయసూత్రాలకు
కట్టుబడి… సమకాలీన చట్టాలకు లోబడి
నడయాడే ధర్మ నిబద్ధతమైతే…
ఆదర్శమైన ఆశయాలెప్పుడు
విజయసూత్రాలకు వీరతిలకం దిద్ది
పొత్తములో నిర్వచనాలై మార్గదర్శకమౌతాయి…
సదాచార సంకల్పాలను తీసుకుని
చిత్తశుద్ధుల తోడదృఢదీక్షల సంస్కృతిగా నిలబడితే
ఆటుపోట్లను అలవోకగా అధిగమింపజేసి
ఆ మహనీయతల పట్టం కట్టదా ...
కొన్నిసార్లు ఆశలు బలీయమై
ఆశయాలు పరవళ్లయినప్పుడు
కనుదోయి వర్షించి కమనీయతల
పొట్లం చేతికందించి.. సంతృప్తుల
సంచులు నింపుతాయి..
No comments:
Post a Comment