వెలుగుల దస్తావేజు తేది 12-09-2023 శీర్షిక : భరతజాతి వేగుచుక్క

 వెలుగుల దస్తావేజు

తేది 12-09-2023

శీర్షిక : భరతజాతి వేగుచుక్క…. 

అహోరాత్రుల అమోఘమైన 

 సంకల్ప బలాలకు సంకేతం..

 అత్యధికజనాభా పాలనాల 

 అవసరాలకు నిర్దేశనా ఉద్గ్రంధం..

ఆసేతు హిమాచలం అంతా 

 భిన్నసంస్కృతుల బాంధవ్యం... 

 వివిధ మతాల వింత రీతులు 

 విభిన్న భాషల వింత సమ్మేళనం .... 

సర్వమత సమరస సారస్వతం 

మనదేశమే ఓ చిన్న పాటి ప్రపంచం 

అనేక భిన్న భావావేశాల మిశ్రమం 

అవి కాపాడటమే కత్తిమీద సాము ...

వందల పేజీలతో సొంత గొంతుకై 

పన్నెండు షెడ్యూళ్ళతో పరిఢవిల్లుతున్న 

ప్రజా ప్రయోజనకారి ప్రగతిశీల విధానమై 

పాలనా పరిమితులను వల్లె వేయుచుండె... 

వలసపాలనలకు తిలోదకాలిస్తూనే

 సొంత పాలనల శ్రీకారము దిద్ది

 క్రాంతి దర్శనముల ఆశయముగా

కదిలి సాగిన కథాకళి జీవన అడుగులకు 

విశ్వమంతటా విస్తరించే భరతజాతి 

వేగుచుక్కలా…. 

 నగునూరి రాజన్న