గర్వంగా తలెత్తుకుంటా
తేది : 20-09-23
శీర్షిక : శిశిర వసంతాలు.
సహస్రాధికం …
బడిలో వేసే పంతులు ప్రశ్నలకు
ఇంటిలో విడమర్చి చదువుకుంటే…
అమ్మనాన్నల ఆశల ఊసులకు
ఉత్తీర్ణతల పట్టం పొందినపుడు…
నిర్వాహణ కార్యాలయములోఎంగిలి మెతుకు
ఆశలకు ఎగిరి పడక..అత్యాశల మునకలేస్తూ
ఆశయాలు తుంగలో తొక్కక…నిజాయితీ
గొడుగు నీడలో సేద తీరినపుడు ...
తప్పటడుగుల జాడలు లేని
గిరి శిఖరంలాంటి ఉన్నతమైన
నా సంస్కృతి సంద్రములో మునిగి
సంస్కారాల చొక్కాలు తొడుక్కున్నప్పుడు ...
స్వంత దేశములో వింతలాగ
పర్వపు ఆనందాల పాయసంలో
పర్మిషన్ పుడకలు గొంతులో
అడ్డం
పడకుండా హాయిగా ఉన్నప్పుడు. .
మల్లె సొగసులు పులుముకున్న తెల్లని
మడత నలగని ఖద్దరు బట్టలేసుకుని
ఉద్దెరపొద్దుల నిద్దుర మాటలతో ప్రజా
పాలన తేనెలో నీటిచుక్కలు కలువనప్పుడు…
హరిత వనములా ఎప్పుడూ ఉండాలనుకున్నా ...
కాలమాన పరిస్థితులు శిశిర వసంతముల వలె
దోబూచులాడుతూ అప్పుడప్పుడు వచ్చి పలకరించే
అదృష్టరేఖలా అవకాశాలను అందిస్తున్నది ..
నగునూరి రాజన్న
No comments:
Post a Comment