29-08-2023
అంశం : వెలుగుల తెలుగు
శీర్షిక : సరళమైనా సరే !ఆదికవి నన్నయ్య సన్నుతించిన
భాష ... తిక్కన్న ఎర్రన్న అనుసరించిన
భాష ... నాటి నుండి నేటివరకు
అనేక మంది కవులకు మార్గమైన భాష. ..
రాయల కాలములో రాచమర్యాదలు
పొంది .... అష్టదిగ్గజాలతో
అలరించి అమోఘమైన ఖ్యాతి
విశ్వవ్యాప్తమై మూటగట్టుకున్నది ....
అచ్చులతో అంతమయ్యే అజంతా
అపురూపం ... ముత్యములను బోలు
ముచ్చటైన ఆకారం... ముద్దులొలుకు
పదకూర్పుల మురిపమైన
మమకారం ....
అన్నమయ్య , త్యాగయ్య , క్షేత్రయ్య
ఆదిగాగల ఎందరో వాగ్గేయకారులకు
ఎదలు పొంగిపొర్లించినది...గిడు
గుండెల్లో నిండిపోయిన భాష ....
పాలు మీగడలకన్నా తేనె ధారలకన్న
మధురమయినది మన మాతృ భాష
పరికించు మిత్రమా బహు లెస్సగా
అమ్మ లాలి పాటలే అందుకు సాక్ష్యం.
బ్రౌను లాంటి విదేశీయుడే
బహు లెస్సగా ప్రాకులాడి
భాషాభివృద్దికి నిలిచాడు
బహుళ ప్రాచుర్యం సాధించాడు.
భాషా భాగాలూ, వ్యాకరణం,
ఛందస్సు , సంస్కృత సంధులు,
సంక్లిష్ట సమాసములు కాదు
సరళమైన భాషపైన స్వచ్చమైన అభిమానం చాలు,
పది కాలాలు పదిలముగా నిలుపడానికి.
ఆత్మీయతలతో ఆదరిస్తూ
ఎల్లప్పుడూ అండగా నిలిచి ,
ముచ్చటైన మార్గదర్శనంతో
ముందు తరాలకు అందిద్దాం ....
నగునూరి రాజన్న
No comments:
Post a Comment