నక్షత్ర దారులవెంట
తేది 14-09-2023
శీర్షిక : నాగరికత అడుగులు.
సహస్రాధికం.
చీకటి చింతలను మోసుకొస్తే
వెలుగు ధైర్యాలను నింపింది …
అనుభవ పాఠాలను రంగరిస్తే
జీవితానికి చుక్కానిగా నిలిచింది...
శుక్లములో వృద్ధితో కృష్ణంలో
తరుగుతూ..
తారాచంద్రులు
విశ్వమండలమంతా
వినూతన
పాఠాలతో జిఙ్ఞాసలు అల్లి
మానవాళిని విజ్ఞాన వీధుల్లో విహరింపజేసింది...
గమనశీలతలతో కాల జ్ఞానములను
కరాఖండి కాల విభజనలను….నిత్యం రవి
చంద్రుల ఉదయ అస్తమయాలను…గ్రహ
కాలాలతో ఖగోళంలో మేటిగా నిలిపింది…
నాగరికత ప్రతి అడుగులో ఊతమై
నవీన కాంతులు వెదజల్లుతూ…
ఎప్పటికప్పుడు కొంగ్రొత్త విషయాలతో
ఉత్సుకతల ఊరేగింపుల్లో ఓలలాడిస్తుంది…
నక్షత్ర దారులనే మార్గదర్శకం చేసుకుని
నడక సాగించి నాగరికత అద్దుకున్న మనిషి
మరొక మెట్టెక్కి మర్మం తెలుసుకోవాలని
ఏకంగా చంద్రనిపై పాగా వేస్తున్నాడు…
ఆపై ఒక్కొక్కటిగా గ్రహ గతుల గురించి
ఆరాటపడుతూ ఆదిత్య ఎల్ వన్ తో
ఏకంగా భానుని భండారం బహిర్గతం
చేయాలని పోటీపడుతున్న ప్రపంచమేధ…
నగునూరి రాజన్న
No comments:
Post a Comment