చిత్ర కవిత
తేది : 17-09-23
శీర్షిక : రావయ్య గణపతి.
గణపతి బప్పా మోరియా
గజముఖ వదనా శరణమయా
రావయ్యా గణపతి
రారాజుగ మా ఇంటికి
చవితి పండగొచ్చింది
సందళ్ళను తెచ్చింది
అవనిపైన మేముజేసె
అర్చనలు పూజలతో ....
ఉండ్రాళ్ళు కుడుములు
దండిగా సమర్పింతు
పిండివంటలారగించి
పూజలంద రావయ్యా
// రావయ్యా //
అమ్మ నాన్న తమ్ముడు
సిద్ది బుద్ది దేవేరులతో
క్షేమ లాభ పుత్రులతో
సపరివార సమేతమై
వెండికొండ దిగినువ్వు
వేగమే రావయ్యా
దండి దొరవు నీవాని
మండపాలు వేసాము...
రావయ్యా గణపతి
రారాజుగ మా ఇంటికి
ఊరూరా ప్రతిష్టించి
ఉత్సవాలు జరిపేము
వాడ వాడ పొగిడి నిన్ను
వరాలనే కోరెదము ...
పిల్లలకు నేస్తముగా
పెద్దలకు దైవంగా
మదిన నిన్ను తలిచేము
మహరాజుగ కొలిచేము...
// రావయ్యా //
శాపాలను వరములుగా
మలుచుకున్న మారాజువు
పాపాలను బాపి మమ్ము
బ్రోచంగా రావయ్యా ....
చిత్రమైన రూపంతో
విచిత్రాలు చూపించి
మూషికమ్ము వాహనమై
ముజ్జగముల పాలింపా ...
రావయ్యా గణపతి
రారాజుగ మా ఇంటికి
గణనాయక రావయ్యా
విఘ్నములను బాపంగా
తొలిపూజకు స్వామివై
విజయాలను కూర్చంగా
ఓంకారము నీవుగా
చదువులకు మూలమై
వేదాలకు నిలయంగా
జ్ఞానాలకు మూలమై ....
రావయ్యా గణపతి
రారాజుగ మా ఇంటికి
నగునూరి రాజన్న
No comments:
Post a Comment