రేపటి ఆశలు
తేది :27-10-2021
శీర్షిక : భవిష్యత్ భవన నమూనాలు ....
కవిత సంఖ్య : 54+14
పాత ఎంత వద్దన్నా ...అనాదిగా
అవే అసలైన పునాదులు....
గతాల తోటలలో ముళ్లపొదలను
ఏరేసి .... కష్టాల కడలి దాటే మార్గం
సుగమం చేసుకోవాలి ....
అప్పుడప్పుడు పలకరించే నష్టాలను దాటి
మంచిని పోగేసుకుని కంచెగా చేసుకుని
మన జీవన మనుగడలోన ఆనందాలను
ఇంకా సుందరంగా తీర్చి దిద్దుకోవడమే ...
గతించిన వెనక తరానికి....
రాబోయే ముందు తరానికి ....
వర్ధమానమైన మనమే కదా
వారధిగా అనుసంధానమయేది .....
మాటమాటకు నెత్తికెత్తుకోవాలనేమి లేదు
మళ్ళీ మళ్ళీ చెప్పాల్సిన పని లేదు
గతం తాలూకు వెలుతురులో ....
వర్తమానపు అడ్డంకులను తొలిగించుకుంటూ
రేపటి ఆశల దీపాలైన బంగారు బాటలకిరువైపులా
ఆహ్లాదాల కుసుమ తోటల పరిమళాలద్దడమే ....
అనుభవాల పునాదులపై
వర్ధమాన గోడలు నిర్మిస్తూ
భవిష్యత్తు భవన నమూనాల
ఆశలకు ... నాందీ పలకడమే .....
నగునూరి రాజన్న
కరినగరము
No comments:
Post a Comment