ఆగి పోకు
తేది: 26-10-2021
శీర్షిక : చతురత ప్రదర్శించి.....
కవిత సంఖ్య :183
ప్రకృతే మనకు పరమ గురువు
పంచభూతాలే మార్గదర్శులు
చెట్టూ పుట్టా కొండా కోనా పక్షులు
నిత్య జీవన కాల మాన పరిసరాలే ...
మనకు ప్రత్యక్ష బోధకులు .....
గీత బోధకుడు తెలిపినటుల
జయాప జయాలతో నిమిత్తం
లేకుండా విధులు నిర్వర్తించడమే ...
ఎప్పుడూ విజయాలే కాదు ....
అప్పుడప్పుడు అల్లకల్లోలాల
అతలాకుతలపు కుదుపులు కూడా
అనుభవ పాఠాలను మనకందిస్తాయి ....
అవరోధపు ఆయుధ సంధానతలు ....
అడ్డంకులను అధిగమిస్తూ అడుగేయాలి ...
జయాల జండాలను ఎత్తుకుని
ముద్దాడాలంటే .... ప్రతి పనికొక
ప్రత్యేక నిర్దేశిత పంథాను పాటిస్తూ ...
ఆలోచనల అన్వేషణలలో
ఎప్పటికప్పడు సరికొత్త ఎత్తులు
వేస్తూ ... కొంగొత్త దారులను ఎన్నుకుని
అడుగులేయాల్సిందే చతురత
ప్రదర్శిస్తూ .....
నగునూరి రాజన్న
కరినగరము
No comments:
Post a Comment