మహా శూన్యం
తేది :19-10-2021
శీర్షిక :
శూన్యమో....మహా శూన్యమో ..
కవిత సంఖ్య : 780
మైకులన్నీ మూగబోయాయి...
జడివానల హోరు తగ్గినట్టయింది
జనమంతా మెల్ల మెల్లగా నిత్యవారీ
పనులలో లీనమైపోతున్నారు ....
శూన్యమో .... మహా శూన్యమో .....
ఆవరించినట్టుగా .....
ఆదిశక్తి తనయుడైన ఆది దేవుని
నవరాత్రులతో ఆరంభమైన ఆరాటాలు ....
సుందరమైన మండపాల అలంకరణలు.....
వాడ వాడలా వెళ్లి విరిసిన
దడదడ సౌండు బాక్సుల సందళ్ళు ....
తీరొక్క జానపదాల జావళీలు ....
పచ్చ పచ్చని మామిడి తోరణాలు ...
ముద్ద బంతుల మురిపాలు..
నిత్యపూజలు ... సత్యవ్రతాలు
పిల్ల పెద్దలు ఆడా మగ అంతా
చేరి నిర్వహించుకున్న ఆటా పాట..
సామూహిక సంబరాల భోజనాలు ......
శరన్నవరాత్రులతో రెండవ అంకం ....
బతుకు నీయమని ఇళ్లల్లో బతుకమ్మగా
రంగురంగుల పూలతో రమనీయతలు
పండించి రోజొక్క పేరుతో అమ్మను
కొలుతురు ఆడవారంతా చేరి .....
గుళ్ళల్లో తల్లి దుర్గమ్మను
గురుతరముగా పూజింతురు
రోజొక్క అవతారముగా ... తీరైన
అలంకారాలతో తీర్చి దిద్ది ....
అమ్మ దుర్గాదేవి ఆనందాలను
పంచి ఆశీర్వదించి వెళ్ళినట్టుంది .....
కరోనా భయాలను శాశ్వతంగా కాలరాసి
ఆయురారోగ్యాలతో మనమంతా వెళ్లి విరియాలని ఆకాంక్షిస్తూ ....
నగునూరి రాజన్న
కరినగరము
No comments:
Post a Comment