నగునూరి రాజన్న
లలిత గేయం
తేది : 01-08-2020
శీర్షిక : భజన గీతం
సంఖ్య : 479
వేములవాడ రాజన్నా
బోళాశంకర ఈశ్వరా ...2
గుండములోన స్నానమాడెదా
మా గండములన్నీ తీర్చుమయా
పొర్లుదండముల పొగిడెదమూ
పిల్లా పాపల చల్లగ చూడూ... వే
అభిషేకించి అర్చించెదమూ
ఆరోగ్యమిచ్చి కాపాడుమయ్యా
బిల్వపత్రితో పూజించేమూ
పున్నామ నరకం తప్పించుమయ్యా...వే
అన్నపూజలే చేసెదమూ
కన్న తండ్రిగా కావుమయా
కళ్యాణములే కావించెదమూ
కష్టములన్నీ బాపుమయా.. వే.
కోడెను మొక్కి కట్టెదమూ
కోర్కెలు దీర్చి బ్రోవుమయా
పుట్టు వెంట్రుకలు నీకేనయ్యా
బాలారిష్టం బాపుమయా ... వే
కుంకుమపూజలు చేసెదమూ
ఇంటిల్లిపాదిని చల్లగచూడూ
గండదీపమునె వెలిగించెదమూ
నీగుండెన మాకు చోటీయ్యుమయ్యా.... వే
ఆకుల పూజలు చేసెదమూ
వ్యాకులతలను బాపుమయా
నిశి పూజలను దర్శించేమూ
వసివాడని జీవితమీయవయా... వే
నగునూరి రాజన్న
కరీంనగరు.
No comments:
Post a Comment