ఊహాతీతలు
తేది :02-11-2021
శీర్షిక : భవిష్యత్తు ప్రణాళికలు
కవిత సంఖ్య : 788
కొన్నిసార్లు మనం ఎడారిలోన
ఒంటె లాగ ఒంటరిగా కూర్చున్నా....
తుంటరి మనసు విహంగమై రెక్కలు
విప్పుకుని లోకమంతా విహరించి
వస్తుంది.....
మనసు రథం ఉరకలేస్తూనే
ఉంటుంది అప్పుడప్పుడు
మన ప్రమేయం లేకుండానే ....
కంట నీరు పెట్టించే కాకమ్మ కథల
ధారావాహికలు .... దూరదర్శినిలో
ప్రదర్శితాలు నిలిచిపోయినట్టు...
ఆలోచనా గుర్రాలు దౌడు తీస్తూనే
ఉంటాయి ... మాట చెప్పినా
వినకుండా ... మంకుపట్టుతో ....
మసులుకుంటుంది .....
ధవళ వస్త్రాలు ధరించుకుని
రంగులు మార్చుకుంటున్న
రాజకీయాలన్నీ ...ఒక్కటంటే ఒక్కటే
మానవతా వాదం గొడుగు కిందికొచ్చినట్టు ....
పొరుగు దేశాలన్నీ పోరుబాటలు
వదిలి... ఏకఛత్రముకిందకు
రావడానికి ఎదురుచూస్తున్నట్టు .....
కాల మార్పుల కదలికలలో
కావనుకున్న ఊహాతీతాలు.. ఎన్నో
భవిష్యత్తులో ఉనికి పుచుకుని ...
ప్రణాళికళై ప్రాణాలు పోసుకుని
వాస్తవాలై మనల్ని రంజిపచేయనూ వచ్చు... .
నగునూరి రాజన్న
కరినగరము
No comments:
Post a Comment