నేను నా నీడ
తేది:20-10-2021
శీర్షిక: వేగుచుక్క
కవిత సంఖ్య: 781.
ఉషోదయపు వెలుగుపూలతో
మొదలయి నావెంటే నడయాడు
చిమ్మ చీకట్లో తప్ప ఏ వెలుగయినా
హచ్ కుక్కులా హమేషా తోడుగానే ....
మంచి చెడులకు మూగ సాక్షిగా
మనతోనే ఆవాసం నివాసం
పయనమేదయినా పనిమీదున్నా
పరాకు చిరాకుల్లోను అంటిపెట్టుకును...
నీడలే అనుకుంటాం కానీ
జాడలే మన ఉనికికి మూలాధారం...
కాల గమనంలో ఎండా వానలకు
నిండా గొడుగులే నీడనిచ్చు ….
శాస్త్ర సాంకేతికలకన్నా చాల ముందే
అనేక సమస్యల పరిష్కార మార్గాలు
అలవోకగ అందించి మానవ మేధకు
మంచి మిత్రురాలయింది ....
నీడలే కాలగమనాల గణనలకు
కాల విభజనలకు కారణ భూతం ....
తోలు బొమ్మల నీడ రూపంలో
మనిషి ఆనందాలకు మరో కోణం ....
గ్రహాల నీడలతోనే గ్రహణాలన్న
శాస్త్ర సాంకేతికతకు నాంది పలికింది…
యద్భావం తద్భవేత్ లా…. విజ్ఞానాల
వీధిలో వేగుచుక్కయింది …..
నగునూరి రాజన్న
కరినగరము
No comments:
Post a Comment