దీపావళి
తేది :04-11-2021
శీర్షిక :
నిత్య దీపావళే
కవిత సంఖ్య : 790
నిశి చీకట్లను తరిమేసి
వెలుగు పూలను తురిమి
చీకటి పూరిళ్లలో ఆశల దీపాలు
వెలిగించి ఆనందాలను
నింపే సుదినం ......
త్రేతా యుగాన రాముని గెలుపు
యాత్ర ముగిసి సీతమ్మను చెర
విడిపించి.... ఇల్లు చేరినరోజు ...
ద్వాపరాన సత్యభామ సమేత
శ్రీకృష్ణుడు యుద్ధం చేసి
నరకాసురున్ని వధించి ప్రజల
కష్టాలు బాపిన రోజు .......
ఒక్కరిద్దరు రాక్షసులను వదిస్తేనే
వందలేండ్లు .... కాదు కాదు ....
యుగాల తరబడి వెలుగు పండుగ
ఏడాదికోరోజు జరుపుకుంటున్నాము .......
కలియుగములో కలిసిపోయిన
రాక్షసత్వాన్ని సాంతంగా
మట్టుబెట్టగలిగితే....ఇక మనకంతా
నిత్య దీపావళే .....
నగునూరి రాజన్న
కరినగరము
No comments:
Post a Comment