చిత్ర కవిత
తేది: 16-10-2021
శీర్షిక: మాలిని నిరీక్షణ
రవిత సంఖ్య : 54+9
చెంగావి చీర కట్టులో
చేత కమలము బూని
చెట్టు కింద సేద దీరిన
చెలి చూపుల బాణము ....
మానస చోరుని రాకలకై
మత్తున బరువైన కన్నుల
మరులుగొన్న వాడి చూపుల
మాలిని నిరీక్షణ పడిగాపులు ....
మురిపమైన యమునా తటిలో
మువ్వ గోపాలుని రాకలకై
ముద్దు గుమ్మ గోపికమ్మ చూపులోలె
మురిసినదా ఎదురుచూపుల పర్వం ....
నిండు కుండను బోలిన
నీటి సరస్సు నడుమన
తీర్చి దిద్దిన గట్టుపైన
తీగ సుందరిలా రాధమ్మయై వేచెనా…
రమణి తాను కృష్ణయ్య కోసం….
రాధా మాధవుల రమణీయం
గోపెమ్మలతో శ్రీ కృష్ణుని అమలిన
శృంగారపు అనంత లీలలు
అవగతమయ్యేనా ఈ మానవ మాత్రులకు ….
నగునూరి రాజన్న
కరినగరము.
No comments:
Post a Comment