నేనే నదినయితే
తేది : 12-10-2021శీర్షిక : గురువు పాత్ర
కవిత సంఖ్య : 775
కల్లా కపటం తెలియని చిన్ని చిన్ని
పాయల్లో బయలుదేరి బాట పట్టి ....
చినుకులన్నీ ఏరుకుని బొట్టు బొట్టు
పట్టుకుని... చేన్లు చెట్టూ పుట్టా గట్లు
వంకలన్నీ దాటుకుంటూ స్వచ్ఛమైన
తాగునీరుగా మారడమే కాకుండా ....
సాధారణ కల్మషాలు గాని
అసాధారణ కలుషితాలు గాని
కలపాలని తలిచేవారిని కరిచి...
కలపొద్దని హుకూం జారీ చేసేస్తును .......
ప్రకృతిలో పాపనై పారాడుతున్న
నాకు ... చిన్నా పెద్ద ఆనకట్టలతో
సాగునీరు సమకూర్చుకున్నా ....
నా గర్భమొలిచి ... ఇంధనాలు
తీస్తున్నా .... శిలా రేణువులను
తరలించి గుల్ల బార్చినా ....
అడిగిన వారందరికీ అన్నీ ఇవ్వడమే
కాకుండా ... విజ్ఞానినని విర్రవీగే
మనిషిని కూడా అప్పుడప్పుడు
అదుపు ఆజ్ఞల్లో ఉంచే ఆజమాయిషీలు
చేసి.... అందర్నీ దారిలో పెట్టే బరువైన
గురువు పాత్రలు పోషించడానికి
కూడా సరిపడా ఇంకొన్ని దివ్య శక్తులు
సంతరించుకునేదాన్ని ...
నగునూరి రాజన్న
కరినగరము
No comments:
Post a Comment