వలపు గీతాలు
తేది : 16-10-2021
శీర్షిక : ఊహల మందిరం
కవిత సంఖ్య : 778
చెలీ నీ తలపులలో
చేరి సగమై నిలిచాను
మనిషిక్కడ మనసక్కడ
మాటలన్నీ మాయం…
మాటి మాటికీ తలిచి నిన్ను
మైమరిచా పరిసరం.... //చెలీ//
ఘడియ ఘడియకు
తడిమే ఆలోచనల...
బిడియపు బేడీలను
ఛేదించ మనసాయే // చెలీ //
చల్లని గాలి సౌరభం
గిలిగింతల పర్వం
అల్లన సాగే సెలయేటి
గలగలల మధుర సంగీతం // చెలీ //
వలపు వాకిట నిలిచిన
జంట పక్షుల కిలకిలలు
చెవుల కెంతో శ్రావ్యమై
చేరువ నీవని భ్రమించితి // చెలీ //
దేహం వేరైనా
ఊపిరంతా ఒక్కటేగా
వేల ఆలోచనలకు
ఊహల మందిరమదేగా // చెలీ //
నగునూరి రాజన్న
కరినగరము
No comments:
Post a Comment