బతుకమ్మ పండుగ
తేది 14-10-2021
శీర్షిక : తెలంగాణా పండగ
కవిత సంఖ్య : 54+7
పాలకుల తప్పులో ....
వలసవాదుల ఉచ్చులో ....
ప్రజలకు తప్పని తిప్పలు ....
బ్రతుకులు ప్రశ్నార్థకమైన వేళ ....
బతుకునిమ్మని కోరుకుంటూ
రంగు రంగుల పూలతో
రమ్యమైన ఆకృతిగా పేర్చి
రమణీయమైన పాటలు పాడేది ....
ఆ దుర్గమ్మను వేడుకునేది ......
శరన్నవరాత్రుల్లో అమ్మను
శరణువేడుకుని ... విజయాలను
స్మరించుకుని... భరోసాలు
నింపుకున్న బతుకు బాటసారులు ...
ఆడంబరాలు లేని ఔషధ గుణాల
గునుగు తంగెళ్లతో అందమైన కట్ల ...
అలరారే చిట్టి గోరంటలతో అమ్మ పాదం
మోపిన శ్రీచక్ర రూపంలో అలంకరించి...
బాధలన్నీ బంతిపువ్వుల్లా భరించి
కష్ట సుఖాలను ఏకరువు పెట్టుకుని
పాటల రూపంలో... ఆడి పాడి అలుపులు
తీర్చుకున్నారు ... ఆనవాయితీగా ....
పుట్ట తేనెలాంటి మనసున్న తెలంగాణీయులు ....
నగునూరి రాజన్న
కరినగరము
No comments:
Post a Comment