నీతో కలకాలం
తేది: 17-10-2021
శీర్షిక : కలకాలం నీతోనే ....
కవిత సంఖ్య : 178
పరిచయాల వర్ణమాలకు
మమతల గంధపు మాటలద్ది
ఆత్మీయత కుసుమాల వాక్యపు
జోడింపుల మూటలు గట్టి పుటలన్నీ
నింపడమే ......
నింపిన పుటలలోని ముగ్ధ భావాలకు
రాగం ఒక్కటైతే ... అడుగులు కలిపి
ఏడేసి ....ముడులు మూడైతే ....జీవన
పయనమంతా వెలుగులు నింపడమే ....
కలకాలం నెతోనేనని బాసలు చేస్తూ ....
ఆ వెలుగుల నడకలలో కొమ్మలు
రెమ్మలుగా
ఇద్దరు కాస్త ముగ్గురై ...
నలుగురై దినదిన ప్రవర్ధమానమై
పూలు పండ్లు ... విరగబూయగ
సహకరించుకుంటూ.... సవరించుకుంటూ
బహుదూరపు బాటసారులై ....కదలడమే ...
బుడి బుడి మాటలతో మొదలై ....
వడి వడి అడుగులు నేర్చిన పిల్లలు
రెక్కొలొచ్చిన పక్షుల్లా కళ్ళ ముందే
కదిలి వలసలెళ్ళిపోతుంటే ......
పెళ్లి నాటి ప్రమాణాలో ....
పెనవేసుకున్న బంధాలో ....
కట్టిపడేసి ఒకటిగా నిలిపితే
జ్ఞాపకాల మధురిమలతో కాలక్షేపం
చేసుకుంటూ .... కాలం వెళ్లదీయడమే.....
నగునూరి రాజన్న
కరినగరము
No comments:
Post a Comment