ఎదుగుదల
తేది : 09-11-2021
శీర్షిక : అసలైన ఎదుగుదల
కవిత సంఖ్య : 186
అందాలను పంచే ఉషోదయాలన్నీ
ఆనందాలను వెంటేసుకుని కదిలిపోతూ
అరమరికల్లేకుండా పర తమ బేధం మరిచి
అన్నింటా పంచుతూ వెళుతుంది వృద్ధి ....
కాల మార్పులతో కవాతు చేసే
ఈర్ష్యా ద్వేషాల ఈసడింపులు
కుళ్ళు కుతంత్రాల కుతకుతలు
మేలు గంధాల పరిమళాలు ....
జోడింపులవుతూనే సాగుతుంది ...
జీవితం ....
అన్నింటా మిన్నంటూ విర్రవీగే మనిషి
మాత్రం భౌతికవాద ప్రేమికుడై ...
చెరుకు గడల జాడలు లేకుండానే
బతుకు తీపిలో పిప్పిగా మిగిలిపో
మిన్నకుండి పోతున్నాడు ...
మనిషిగా ....ఎదిగాననుకుంటున్న భ్రమల్లో
భ్రమరమై ఊరేగినా ... ఆత్మీయతల
అందాలను ... మానవతా పరిమళాలను ...
మానసిక ఘుమఘుమలను మరిచిపోయాడు ...
బ్రతుకు .... బ్రతికించు లాగ పొరుగుకు
చేదోడు వాదోడై ... చెలిమి కలిమిలను
పంచుతూ పచ్చని తరువైనప్పుడే ...
సంస్కార సుగంధాలు వెదజల్లినప్పుడే ....
అసలైన ఎదుగుదల .....
నగునూరి రాజన్న
కరినగరము
No comments:
Post a Comment