హరిత స్వప్నం
తేది: 21-10-2021
శీర్షిక : అందరు బాగుండాలి .....
కవిత సంఖ్య : 780/A
వేల సంవత్సరాల తప:ఫలములో
వేద ఉపనిషత్తు ఘోషల గొప్పతనమో
ముక్కోటి దేవతల ఆశీర్వచనములో
ఒక్కటిగా నిలవాలనే ఉక్కు సంకల్పమే ....
భారత రామాయణముల ఉన్నతమో
భాగవతపురాణాల పుణ్యఫలములో
భగవద్గీత బోధనల సారాంశమో ... అందరు
బంధు బలగమని బోధించు తత్వమే ....
ఆచార సంప్రదాయాల ఔన్నత్యమో ...
అతిథి దేవోభవ అని కదిలిన భావమో
అందిపుచ్చుకున్నదిలే హైందవం...
ఆదినుండి విశ్వ అంతరిక్ష క్షేమములే...
అందరు బాగుండాలి అందులో నేనుండాలనే
ఆకాంక్షలను అక్షరాలా పాటించే తత్వం
మనసా వాచా కర్మణా స్మరించే గొప్పతనం
పొరుగు క్షేమముతోనే పొందులాభమన్న సత్యం ....
ఖలేజాలున్నా ...కాలు దువ్వని గుణమే
ఆత్మ నిర్భరతల స్వీయ రక్షణలే గానీ ...
అహంకార పూరిత ధూర్త లక్షణం లేని
గంగి గోవుతనం ....గౌరవించు సమం ...
దురిత క్షయముల హరిత స్వప్నము ......
నగునూరి రాజన్న
కరినగరము
No comments:
Post a Comment