కోవెల దీపాలు
తేది: 26-10-2021
శీర్షిక: నిజమైన కోవెల దీపాలు
కవిత సంఖ్య: 54+13
స్వార్ధపు చింతలు .. తలపులు లేని చేతులన్నీ…
మాటలలోనే మమతల పూలు పూయించే
హృదయపు లోగిళ్ళన్నీ….
ప్రపంచమంత పంచప్రాణ సమమనే చింతనలు…
తమపర బేధమెరుగని తన్మయ మూర్తులంతా
కోవెల దీపాలే…
విత్తనాలు నాటిన నుండి విత్తులింట చేరేవరకు
సాలెగూటిలా కష్టాలన్నీ తనను చుట్టుముట్టినా…
వశపడని బాధలకు ఉసురులు తీసుకున్నా…
సాటి మనుషులకు సదా అన్నం పెట్టాలనే
సమున్నతమైన ఆలోచనల హాలికుడు ….
ఎండా వాన ఎల్లెడలా..మైనస్ డిగ్రీలోనైనా
కని పెంచిన కన్నవారికి.. కట్టుకున్న ఆలికి..
కన్న పిల్లలకు దూరంగా.. నిండా ఊపిరి నిరంతరం..
దేశమే ప్రాణంగా కంచె కావలి కాసే సైనికుడు….
అలనాటి చేతివృత్తుల పూతలన్నీ
అలవోకగా సంఘం కొరకే ఒకరికొకరై
ఆత్మీయత అనురాగాల పల్లకిలో
ఊరేగిన సందర్భాలే .....
జన్మభూమి వారసులమంటూ నాడు ....
అత్యంత సునాయాసంగా ప్రాణాలర్పించి
నిక్కచ్చిగ
పోరాడిన భరత మాత బిడ్డలైన
అచ్చమైన స్వాతంత్య్ర సమరయోధులంతా ...
ముమ్మాటికీ నిజమైన కోవెల దీపాలే ....
నగునూరి రాజన్న
కరినగరము
No comments:
Post a Comment