బదనిక
తేది: 01-11-2021
శీర్షిక : ప్రతి సృష్టి .....
కవిత సంఖ్య : 787
సృష్టికి ప్రతిసృష్టిలా .... నేలమీద
కాకుండా.... నెగులుతుంది మరో
చెట్టుమీద గుట్టుగా పోషకాలు
తస్కరిస్తూ .... రాజకీయ నాయకుల్లా ....
వేపమీద రావిగాని .... రావిమీద
వేపగాని ... ప్రత్యక్షమైతే పవిత్రతే ...
పూజలందుకొని పుణ్యాలనిచ్చు
మహిమలేవైనా మానవాళి క్షేమానికి .....
సృష్టి రహస్యాలను సున్నితంగా
కనుక్కొని .... సన్నిహితంగా
మార్చుకోవడంలో మనిషిని
మించిన వారు లేరంటే నమ్మండి .....
ఆచారం సంప్రదాయం అన్నీ
సమున్నతం, సశాస్త్రీయం...
అలవోకగా కలగలిసినదే
మన హైందవ జీవనం ......
అనుకోకుండా సృష్టిలో కొన్ని జరిగితే ...
అనుకోని ... ఆనుపానులు తెలుసుకుని ...
ప్రణాళికలతో పబ్బం గడుపునేవి కొన్ని
మానవాళి ప్రమేయాలున్నంతవరకు ..
నగునూరి రాజన్న
కరినగరము
No comments:
Post a Comment