విడిపోని బంధం తేది : 28-09-2022 శీర్షిక : ఆరోగ్య సంఘము

 విడిపోని బంధం 

తేది : 28-09-2022

శీర్షిక : ఆరోగ్య సంఘము 

కవిత సంఖ్య : 05

సంప్రదాయాల సమున్నతం 

సంస్కృతికి హిమశిఖరం  

వేదపురాణాల కాలంనాటి 

హిందూ వివిహా మహోత్సవం  ... .. 

పూర్వ బంధాల పునీతమో 

వేదమంత్రాల మహిమాన్వితమో 

సాంప్రదాయాల సందళ్ళ సత్కృషో 

విశిష్ట సదాచార పూదోటల  పరిమళమో  ... 

వివాహ వ్యవస్థ మన దేశాన....  

బాజా భజంత్రీల మంగళవాద్యాలతో 

బంధుమిత్రుల అభినందన ఆశీర్వచనాలతో 

పంచభూతాలను సాక్షిగ  చేసుకుని 

విప్రుల వేదమంత్రాల "మమ"లతో ...

జరిగే మన వివాహ మహోత్సవం ....  

హైందవాచారాలనేకమైనా.... 

ఆడంబరాలకు పెద్ద పీటలు వేసినా ... 

ప్రాంతాలలో రూపాంతరమైనా  ... 

ప్రముఖ ఘట్టమే సప్తపది పెళ్ళిలో.....  

ధర్మార్థకామమోక్షములు వ్యక్తిగతమైనా  

ధర్మబద్ధంగా  సంఘహితమై నిర్వర్తించ 

సవ్య దిశన సంఘపురోభివృద్ధికై
నిలిచే సత్సంతాన వ్యవస్థార్థం...
ఉత్తమ ఉపనిషత్తుల ఉపయుక్తమైన
సమంత్రీక పెళ్లి తంతులో వెలిసిన
ఏడడుగులు ... మూడు ముళ్ళు ... 

పరస్పర గౌరవ మర్యాదలతో 

నిండు నూరేళ్ళ పంటయి 

పండు వెన్నెలలను పలకరిస్తూ 

జీవితాంతం పులకరించేది ...

వరుడు వధువులు విశిష్టములై నిలువ
సంస్కృతీ సంప్రదాయ సంపదల
సంస్కరింపబడటమే...సంవిధానమై 

ప్రధానమై... పరమ విశిష్టమై... 
ఆయురారోగ్యముల భోగమే అవనిలో

మేలైన భాగ్యమై...ఆరోగ్య సంఘమై.. 

విడిపోని బంధమై నిలిచె .... 

నగునూరి రాజన్న