రాజ భాష
తేది - 14-09-2022
శీర్షిక : కలిపి నిలిపే కాంతి రేఖ
కవిత సంఖ్య : 986
బంతులైనా చామంతులైనా
మాలలై మనసులు చూరగొనాలంటే
పట్టి నిలిపే దారంలా ... భిన్న
సంస్కృతులకు మూలమయ్యే
మంత్రం ఒకటి కావాలి ....
పట్టు దట్టుల వస్త్రాలైనా సరే
ఉట్టిపడే సంస్కృతితో కట్టి నిలిపితే
వచ్చే కలబోతల సంస్కారంలా
భిన్న భాషల మాతృక ఒకటి
అవసరమే....
కొండా కోనల సెలయేళ్ళను
కలుపుకుని సాగే జీవనదిలా...
భిన్న మనస్థత్వాలను ఇముడ్చుకునే
సంగమం ఒకటుంటే సమున్నతం ....
సప్తవర్ణాల ఇంద్రధనస్సుకు
దారి మూలం ధవళ వర్ణమైనట్టు ....
ఆధ్యాత్మికతల ఆదరణలు కలిగిన
జీవ భాష వేద భాష సంస్కృతం
సంబంధముతో వివిధ భాషలను
కలిపి నిలిపే కాంతి రేఖ రాజభాష...
అనేక భాషలు ..భిన్న సంస్కృతులు ...
విభిన్న విధానాలు ...అన్నీ కలిపి
నిలపాలనే ఆరాటం ...అందుకే షెడ్యూల్డ్
భాషలే కాకుండా ...రాష్ట్ర భాషగా హిందీ
ఆమోదం ...1949 సెప్టెంబర్ 14 తేదీన
సంతులితమై కాంతులీనే హిందీ
సంస్కృత మూలాలతో వర్దిల్లి
దేవనాగరి లిపితో విరాజిల్లుతూ
ఆసేతు హిమాచలం అందరికి
అదరణీయమై వెలుగొందుతున్నది ....
నగునూరి రాజన్న
No comments:
Post a Comment