ఎంగిలి పూల బతుకమ్మ
ఆచార సంప్రదాయములో
ఆడపడుచుల అలుపులో
ఆటపాటల రూపాన అమ్మను
అపురూపంగ కొలుతురు .....
బహు చక్కంగ కూడేరు
భాద్రపద శుద్ద సప్తమిన
కన్నె పిల్లలంతా కలిసి మెలసి
కట్టనుండి పుట్టమన్ను తేవ ....
తొమ్మిది అంతరాల పేర్చి
తోడు నిలువమ్మంటూ
గోపురంగ తీర్చి బొడ్డెమ్మగా
పసుపు కుంకుమలు వేసి
తీరొక్క పూలతో తీర్చి దిద్దేరు
చతుర్దశి వరకు పూజించి
నిమజ్జనం చేసి తరించేరు ....
అమావాస్య నుండి బతుకమ్మగా
అతివలంతా జేరి కొలుతురు
అమ్మ దుర్గను అపురూప రీతిన
అందమైన పూలన్నీ శిబ్బిన జేర్చి ....
ఆనవాయితీగా అలంకరింతురు
బొడ్డెమ్మ రోజటి పూలను....
అందుకే అయ్యింది ఎంగిలి పూల
బతుకమ్మగా ఎదలు నింపే అమ్మగా...
రాగయుక్తమైన పాటలు పాడుతూ
రంజింప చేసేటి అడుగుల సవ్వడులతో
పిల్ల పాపలను సల్లంగ చూసి
కోరికలన్నీ తీర్చి కొంగు బంగారం చేయ
కోలాటములు వేయుచూ
నువ్వులు బియ్యం పిండి బెల్లం
ప్రసాదముగా అర్పించి మొక్కెదరు...
నగునూరి రాజన్న
కరినగరము.
No comments:
Post a Comment