లలిత గేయాలు
తేది : 17-09-22
శీర్షిక : చేదు అనుభవాలు
కవిత సంఖ్య :
వినరా ఓ వీరుడా
తెలంగాణ సాధకుడా
పదితరాలు పడిలేచి
అయ్యా బాంచెనన్న గొంతు
దొర ఏందిర వాని జులుమేందిర
అన్న రోజు….
మూడువందలేండ్ల దాక…
ముప్పుతిప్పల పడ్డోళ్ళు
మూతిమీద వాతపెట్టి
ఎదురు తిరిగిన రోజు….
ఊరూరా గడీలే
ఊడిగాల బతుకులు
భూమి లేదు భుక్తిలేదు
శాకిరంతా దొరలపాలు …
ఊరుమ్మడి బతుకులన్నీ
వెట్టిచాకిరీ అయిపాయె ...
పేగులను చేతబట్టినా
కడుపన్నా నిండపాయె ….
నిద్రలేని రాత్రులెన్నో
నిక్కచ్చిగ ఒక్కటైన రోజు
మించుకచ్చిన పాపాలను
మట్టుబెట్టిన రోజు ....
కలవరింత వంతపాడి
కట్టగట్టి పాతిపెట్టె...
కారం దంచిన చేతులే
కామాంధుల కళ్ళ కొట్టె
తప్పదీసె బతుకులను
తగలపెట్టిన రోజురా
రోకండ్లను తిరగేసి
మోత మోగించిన రోజు …
నగునూరి రాజన్న ...
No comments:
Post a Comment