మనసున్న మనిషి
తేదీ : 13-09-2022
శీర్షిక : మౌనము భాషే
కవిత సంఖ్య : 985
కథలతో కాకలు తీరినా
నాటాకాలతో రక్తి కట్టించినా
మాటల మనిషి కాదు
మనసు భావాల మనిషి ...
వాడుక మాటల ప్రయోగాలతో
వందల సినీ గీతాలు పలికించి
వల్లె వేసిందంతా మనసు గోలే ...
మౌనము కూడా భాషేనని
భావము తెలిపే బాటేనన్నాడు ....
పాటల పల్లవులకు
చరణాల గమకాలకు
పాఠకుడు మెచ్చుకునే
కథను తీర్చి దిద్దినా
ఆయనకే చెల్లింది ....
నాలుగు దశాబ్దాలు
పదునాల్గు వందల పాటలు
అనేక కథలు...మాటలతో
వెండితెరనేలిన దండి దొర ...
మనసున మనసు పెట్టి
మమతలన్నీ మూటగట్టి
మధువులెన్నో నింపుకుని
మది మదిని దోచుకున్నా
మనసు కవిగా ప్రసిద్ధుడాయె .... నగునూరి రాజన్న
No comments:
Post a Comment