గురజాడ అప్పారావు 2
తేది : 21-09-2022
శీర్షిక : మరువలేని మహనీయుడు ...
కవిత సంఖ్య :
ఎలమంచిలి వారి ముద్దుబిడ్డ
వెంకట రామదాసు కౌసల్యమ్మల
కన్నబిడ్డ ... తెలుగువారి ఆరాద్యుడు
తొలితరం సాహితీ వేత్త, సంఘ సంస్కర్త ...
వాడుక భాషా కవితల వాచస్పతి
అభ్యదయ కవిత్వంలో ఆద్యుడు
దురాచారాలను దునుమాడిన ధీశాలి
సంఘ సంస్కారాల సారథి...
వరకట్న పిశాచాన్ని తరిమికొట్టి
పునర్వివాహాలను ప్రోత్సహించి
కన్యాశుల్కంతో కాంతివంతమై....
దేశమును ప్రేమించుమన్న
మంచిఅన్నది పెంచుమన్నా అని
నుడివిన దేశభక్తి ప్రేమికుడు ....
వందేండ్లయినా వసి వాడని
గిరీశం, మధురవాణి పాత్రల సృష్టికర్త ...
పర భాషలలోను పయనించి
పటుతరమై ప్రత్యక్షమయ్యాయి ..
పుత్తడి బొమ్మా పూర్ణమ్మా అంటూ
మరొక గొప్ప గేయ రచయిత....
సహాధ్యాయి గిడుగు రామమూర్తి
పంతులు గారితో కలిసి వాడుక
భాష కొరకై పోరిన చరితార్థులు ....
అనేక నాటకాలు , శతకాలు
గేయాల రచయిత... తెలుగు
వారు మరువలేని మహనీయుడు ...
సంఘ పరివర్తనల పిపాసి ....
నగునూరి రాజన్న
No comments:
Post a Comment